தீப ஒளி திருநாள் மஹாலக்ஷ்மி தாயாரின் நாள் என்றே கூறலாம்.மகா லக்ஷ்மிக்கு பூஜையை செய்ய உகந்த நாள். இந்த நாளில் தீபங்கள் ஏற்றி தாயாரை வழிபட்டு பசுக்களுக்கு மஞ்சள் நிற லட்டு மற்றும் மஞ்சள் வாழை பழம் கொடுத்து வர நம் குடும்பம் செல்வ செழிப்போடு இருக்கும்.கோமாதாவிற்கு சந்தானம் குங்குமம் வைத்து மாலை சூட்டி,தேவாதி தேவர்களும் ,தெய்வங்களும் இருக்கும் உடலை தொட்டு வணங்க வேண்டும்.பசு மாட்டிற்கு கோதுமை தவிடில் தண்ணீருடன் வெல்லம் கலந்து கொடுப்பதும்,அகத்திக்கீரை கொடுப்பதும் நல்ல பலனை தரும்.
மகாலக்ஷ்மியுடன் மகாவிஷ்ணு இருக்கும் படத்தை வைத்து வீட்டில் பூஜை செய்தல் வேண்டும்.இதனால் லட்சுமியுடன் மகாவிஷ்ணு அருளும் ஆசிர்வாதமும் நமக்கு கிடைக்கும்.பூஜையில் ஏற்றும் விளக்கில் சிறிது சர்க்கரை அல்லது கல்கண்டு போட்டு ஏற்றவும்.வட இந்தியாவில் இந்த நாளில் பூஜை செய்து ,புதுக்கணக்கு துவங்குவர்.
அதிகாலை ஸ்நானம் (குளியல்) நீரில் சிறிது பால் கலந்து குளிக்கவும்.மஞ்சள் தூள்,ஏலக்காய் போட்டும் குளிக்கலாம்.
இந்நாளில் அனுமனை வழிபடுவது சிறப்பு- அனுமனுக்கு ஒரு மண் அகலில் நல்லெண்ணெய் விளக்கேற்றி அதில் ஒரு கிராம்பு இட்டு வழிபடுவது நன்மை தரும்.அனுமன் சாலீஸாவை படிக்க வேண்டும்.
தீபாவளி தினத்தன்று,அசைவம் சாப்பிடக்கூடாது.அசைவம் இருக்கும் இடத்தில் எந்தவொரு பரிகாரமும் பலன் தராது.இறந்த ஜீவன்கள் இருக்கும் இடத்தில் தெய்வசக்தி நுழையாது.
அசோக மரத்து இலைகளால் வீட்டின் முன் வாசலை அலங்கரிக்கவும்-மாமரத்து இலைகளையும் சேர்த்து கொள்ளலாம்.
கோமதி சக்கரத்தை கண்டிப்பாக தீப ஒளி நாள் வழிபாட்டில் சேர்த்து கொள்ளவும்.லக்ஷ்மி சோழி வைத்து வணங்கவும்.மகாலட்சுமி பூஜைக்குரிய நான்கு வர்ண 'லக்ஷ்மி சோழிகள்'
ஓம் யக்க்ஷ ராஜாய வித்ம ஹே
வைஸ்ரவணாய தீமஹி
தன்னோ குபேர ப்ரசோதயாத் என்று சொல்லி,
குபேரனுக்குரிய கோலத்தில் பூ போட்டு வணங்க வேண்டும்.
திருமணமான பெண்களுக்கு இந்நாளில் வெற்றிலை,பாக்கு,மஞ்சள்,குங்குமம்,தாலி கயிறு வளையல்,பூ,பழம் ,ஒரு ரூபாய் நாணயம் முதலியவை வைத்து தாம்பூலம் கொடுக்க வேண்டும். இதனால் லக்ஷ்மியின் பரிபூரண ஆசிர்வாதம் கிடைக்கும்.
கோவிலுக்கு சென்று அங்கு வரும் 10வயதுக்கு உட்பட்ட 6குழந்தைகளுக்கு வெற்றிலை,பாக்கு,பூ,பழம் ,வளையல் போன்றவற்றை கொடுக்க வேண்டும்.
உங்களால் என்னென்ன பரிகாரங்கள் எல்லாம் செய்ய முடியுமோ அதை செய்து பயன்பெறுங்கள்.இந்த வருட தீபாவளியை தித்திக்கும் தீபாவளியாக உங்கள் குடும்பத்துடன் சேர்ந்து கொண்டாடுங்கள்.இல்லாத பேர்களுக்கு நம்மால் முடிந்ததை கொடுத்து அவர்களின் சந்தோஷமான முகத்தில் இறைவனை காணுங்கள்.அனைவருக்கு என்னுடைய இனிய
நல்வாழ்த்துக்கள்.நீங்களும் சந்தோஷமாக இருங்கள் .மற்றவர்களையும் சந்தோஷப்படுத்துங்கள்.
இந்த பதிவை காண வந்த அத்தனை நெஞ்சங்களுக்கும் என் நன்றியை தெரிவிக்கிறேன்.
உங்கள் கருத்துக்களையும் பகிரவும்.
thank you brother
பதிலளிநீக்கு