சத்ய நாராயண பூஜையின் மகிமையை விளக்கும் கதை

சத்ய நாராயண பூஜையின்  மகிமையை  விளக்கும் கதை  சிறப்பான விரதங்களில் சத்ய நாராயண விரதமும் ஒன்று. பகவான் மகாவிஷ்ணு, நாரதருக்கு உபதேசித்த மகிமை பெற்றது இது. இன, மத, மொழி பேதம் இல்லாமல் எவரும் இந்த விரதம் இருக்கலாம். மாதந்தோறும் பௌர் ணமி அன்று மாலையில் சந்திர உதய காலத்தில் சத்யநாராயண விரதம் கடைப்பிடித்து பூஜிக்கலாம் என்று ஸ்காந்த புராணம் கூறுகிறது. இயலாதவர்கள் ஞாயிறு, திங்கள், வெள்ளிக்கிழமைகள் மற்றும் அமா வாசை, அஷ்டமி, துவாதசி, சங்கராந்தி, தீபா வளி ஆகிய நாட்களிலும் புரட்டாசி மாத சனிக்கிழமைகளிலும் இந்த விரதத்தைக் கடைப்பிடிக்கலாம். சத்யநாராயண விரதம் இருப்பவர்கள், விரத பூஜைகளைச் செய்வதுடன் அதன் பெருமைகளை விளக்கும் கதைகளையும் கேட்டால் நல்ல பலன் கிடைக் கும். நைமிசாரண்யம் எனும் திருத்தலத்தில் ‘சத்ர’ யாகம் நடந்தபோது, அங்கிருந்த முனிவர்கள், அவர்களின் சீடர்கள், அரசர்கள், அடி யார்கள், பொதுமக்கள் என அனைவருக்கும் சூதபௌராணிகர் (புரா ணங்களையெல்லாம் சொல்பவர்) என்பவர் இந்தக் கதைகளைக் கூறி யதாக ஞான நூல்கள் தெரிவிக்கின்றன. நமக்குத் தெரிந்ததைவிடத் தெரியாதவையே அதிகம். அதற்காக, தெரியாததை நம்ப மாட்டேன் என்றோ நம்பக் கூடாது என்றோ சொல்வது நியாயமாகுமா? மனித வாழ்க்கையில் நம்பிக்கைதான் முக்கியம். இதை இவ்வளவு அழுத்தம் திருத்தமாகச் சொல்லக் காரணம், பின்வரும் கதைகளைப் படிக்கும்போது சில இடங்களில் நமக்கு நம்பிக்கை ஏற்படாது. உண் மையான தெய்வ அனுபவம், தெய்வ அருள் ஆகியவற்றைப் பெற வேண்டுமென்றால், நமக்குத் தேவை _ முழுமை யான நம்பிக்கை! ஆகையால், சத்யநாராயண விரத பூஜை முடிந்ததும் புனிதக் கதைகளை பக்தியுடன் படித்து பகவான் அருளைப் பெறுவோம், வாருங்கள்! அசுரர்கள், தேவர்கள்- யாவராலும் போற்றப்படக் கூடியவர் நாரதர். இரு சாராரும் தங்களது பிரச்னைகளை அவரிடம் சொல்லி, அவை தீர வழியும் கேட்பார்கள். இப்படி அனைவருக்கும் நல்வழி காட்டும் நாரதருக்கே ஒரு பிரச்னை. அவர் முகம் வாடியது. ஸ்ரீநாராயணர் முன்னால் சென்று நின்றார் நாரதர். அன்பர் மனம் வாடுவதைச் சற்றும் பொறுக்காத பகவான், ‘‘எப்போதும் நாம சங்கீர்த்தனமும் மகிழ்ச்சியுமாக இருக்கும் உன் முகம், இன்று ஏன் இப்படி வாட்டத்துடன் இருக்கிறது?’’ என்று கேட் டார். மன பாரத்தை இறக்கி வைக்கும்படி மாதவனே உத்தரவிட்டதால் நாரதர் வாய் திறந்தார். ‘‘ஸ்வாமி! பரந்தாமா! சதா சுற்றி அலையும் நான் பூலோ கத்துக்கும் சென்றிருந்தேன். அங்கே நான் பார்த்ததை நினைத்தால்... அப்பப்பா! மானிடர்கள் எல்லாம் அவரவர் செயல்களால், மறுபடியும் பிறக்கிறார்கள். அளவில்லாத துயரங்களை அனுபவிக்கிறார்கள். அதைப் பார்த்துதான் என் மனம் வாட்டம் அடைந்தது. துயரங்களில் மூழ்கிக் கிடக்கும் அவர்களை மீட்டு, மகிழ்ச்சியோடு வாழ வைக்க நினைக்கிறேன். வழி தெரியவில்லை. அதற்காகத் தங்களிடம் வந்திருக்கிறேன். லட்சுமி நாயகா! பக்தர்களைக் காப்பவரே! மக்கள் கடைத்தேற, அதிக கஷ்டம் இல்லாமல் அவர்கள் கடைப் பிடிக்கத் தகுந்த வழி ஒன்றைத் தாங் கள் காட்டியருள வேண்டும்!’’ என் றார். உத்தம பக்தரான நாரதர் போன்ற மகான்களும் பெரியவர்களும் மக்களின் துயரங்களைப் போக்க இறைவனிடம் மன்றாடி இருக்கிறார்கள் என்பதை அறியும் போது, அவர்களின் பரந்த உள்ளம் விளங்குகிறது. நாராயணர் புன்முறுவல் பூத் தார். ‘‘நாரதா, உன் எண்ணம் புரி கிறது. உயர்ந்த சிந்தனையுடன் எம்மை நாடி வந்திருக்கிறாய். ‘நாராயண... நாராயண...’ என்று எமது திருநாமத்தைச் சொல்லி, உல கெங்கும் பிரசித்தி பெற்ற c, துயரக் கடலில் மூழ்கும் மக்களுக்காக எம்மிடம் வந்திருக்கிறாய். இரக்கம் நிறைந்தவனே, நீ கேட்டதைப் போல, மக்கள் சந்தோஷமாக வாழ வழி இருக்கிறது. சத்யநாராயண விரதத்தைத் தூய பக்தியோடும் ஊக்கத்தோடும் செய்தால் போதும். அவர்கள் எனது பரிபூரணமான அருள் பெறுவார்கள். சகல செல்வங்களையும் அடைவார்கள். பேரன்-பேத்தி, உறவினர்கள் உட்பட குடும்பத்தோடு நல்வாழ்வு வாழ்வார்கள். முடிவில் முக்தி அடைவார்கள். உன் விருப்பம் நிறைவேறும். எனது ஆசியும் அருளும் உனக்கு என்றும் உண்டு!’’ என்று வழிகாட்டினார். வாட்டம் நீக்க வழி தெரிந்த நாரதர் மகிழ்ந் தார். ‘‘நீலமேக வண்ணா! தாங்கள் கூறிய சத்யநாராயண விரதத்தை, யாரெல்லாம் செய்திருக்கிறார்கள்? அதனால் உண்டாகும் நன்மைகள் என் னென்ன? இவற்றை தயவு செய்து தாங்கள் சொல்லி அருள வேண்டும்!’’ என வேண் டினார். மகாவிஷ்ணு தொடர்ந்தார். ‘‘சத்யநாராயண விரதம் அனுஷ்டிப்பதனால் துன் பங்கள் நீங்கும். இன் பமும் மகிழ்ச்சியும் வளரும். குழந்தை இல்லாதவர்க ளுக்குக் குழந்தை பிறக்கும். பெண்கள், சுமங்கலிகளாக இருப்பார்கள். வியா பாரம் மேன்மேலும் பெருகும். கல்வி யில் மேன்மை அடையலாம். விரதம் இருந்து பூஜை செய்த வர்கள், அதில் கலந்து கொண்டவர் களுக்கு பிர சாதம் தர வேண்டும். இது முக்கியம்!’’ என்ற பகவான், விரத முறை களை விளக்கினார். செல்வம் அளித்த சீரிய விரதம்! புண்ணியத் தலங்களில் உயர்ந்தது காசி. தாரக மந்திரமான ராம நாமத்தை, சிவபெருமான் சொல்லும் திருத்தலம். அருள் வளத்துடன் பொருள் வளமும் நிறைந்த புண்ணிய பூமி இது. காசி நகரில் ஒரு பிராமணன் இருந்தான். ஏழ்மையில் உழன்ற அவன், தினந்தோறும் பிச்சை எடுத்து வாழ்க்கை நடத்தி வந்தான். பல நாட்களில் போதுமான உணவு கிடைக்காது. அழுக்கேறிய உடை அணிந்திருக்கும் அவனிடம் பொருள் இல்லையே தவிர, பக்தி நிறைய இருந்தது. அவனது பக்தி, அவன் முன்னால் ஆண்டவனைக் கொண்டு வந்து நிறுத்தியது. உலகத்தைக் காத்து ரட்சிக்கும் பகவான், அந்தணன் முன்னால் மானிட வடிவில் தரிசனம் தந்தார். அவன் தனது வழக்கப்படி பகவானை தியானம் செய்து விட்டு, யாசகம் முடிந்து ஒரு மரத்தின் நிழலில் ஓய்வாக உட்கார்ந்திருந்தான். வறுமையின் ரேகைகள் உடலெங்கும் தோன்ற உட்கார்ந்திருந்த அந்தணனை அன்போடு பார்த்தார் பகவான். ‘‘ஐயா! உங்களைப் பார்த்தால் வறுமை தெரிகிறது. இந்த நிலையிலும் நீங்கள் அலைந்து திரிந்து பொருள் தேடுவதைப் பார்த்தால், எனக்கு வேதனையாக இருக்கிறது’’ என்றார் பகவான். அந்தணன், ‘‘ஐயா! என்னைப் பார்த்து நீங்கள் இவ்வளவு கவலைப்படுகிறீர்கள். ஆனால், அந்த பகவானுக்கு என் கஷ்டம் தெரியவில்லை. பசியும் வறுமையும் போட்டி போட்டுத் தாக்கும் என்னைப் பார்த்து, இன்னும் அந்த ஸ்வாமி மனம் இரங்கவில்லை. எனது பாவம் போலிருக்கிறது. நான் கொஞ்ச தூரம் நடந்தாலும் அதிகக்களைப்பு ஏற்படுகிறது. காலை எடுத்து வைக்க முடியவில்லை. பச்... என்ன செய்வது? ஐயா! உங்களைப் பார்த்தவுடன், என் மனம் நிம்மதி அடைகிறது. பகவான் நாராயணனே உங்கள் வடிவில் வந்திருப்பதாக நினைக்கிறேன். எனது பாவங்கள் நீங்கி, நல்லபடியாக வாழ வழி இருந்தால், தயவுசெய்து எனக்குச் சொல்லுங்கள்!’’ என்று கூறினான். திக்கலும் திணறலுமாக இருந்தது அவன் பேச்சு. வறுமை அந்த அளவுக்கு அவனை பாதித்திருந்தது. எந்த பகவான் பெயரைச் சொல்லி வருத்தப்பட்டானோ, அவர் தனக்கு முன்னால் நிற்பதை அறியாத அந்த அந்தணன் கைகூப்பி அவரை வணங்கினான். தன் கரங்களால் அவனை வருடிக் கொடுத்த ஸ்வாமி, ‘‘கவலைப்படாதே! நீ வேண்டியபடி துயரங்களைப் போக்கி, எல்லாவிதச் செல்வங்களையும் பெற ஒரு வழி இருக்கிறது. ‘சத்யநாராயண விரதம்’ என்று ஒன்று உண்டு. முறையாக அதை நீ கடைப்பிடித்தால் உனது துயர்கள் நீங்கி மகிழ்ச்சி பெருகும். நீ தேடி அலையும் செல்வம், தேடாமலேயே உன்னிடம் வந்து சேரும். நல் வாழ்வை அடைவாய்!’’ என்றார். அந்தணன் முகம் மகிழ்ச்சியை வெளிப்படுத்தியது. ‘‘ஸ்வாமி! எனது தரித்திரம் தீர தெய்வமே வந்து வழி காட்டியதாக நினைக்கிறேன். தாங்கள் சொன்ன அந்த விரதத்தைக் கண்டிப்பாகக் கடைப்பிடிக்கிறேன். அதற்குரிய வழி வகைகளை தயவுசெய்து சொல்லுங்கள்!’’ என்று வேண்டினான். அவனிடம் சத்யநாராயண விரத முறைகளைத் தெளிவாக விவரித்த ஸ்வாமி, அங்கிருந்து மறைந்தார். அந்தணன் அன்று இரவு முழுவதும் தூங்கவில்லை. அவன் சிந்தனை சத்யநாராயண விரதத்திலும், அதற்கு வழிகாட்டிய பெரியவரி டமும் லயித்திருந்தது. விரதத்துக்குத் தேவையான பொருட்களைச் சேகரிக்கவும் பூஜையை நல்ல விதமாகச் செய்து முடிக்கவும் உரிய வழிகளைக் குறித்து யோசிக்க ஆரம்பித்தான். மறு நாள்... ‘அந்தணா! கவலைப்படாதே! உனது தரித்திரம் விலகப் போகிறது!’ என்று அறிவிப்பது போல் சூரியன் உதித்தான். காலையில் எழுந்த அந்தணன், கர்ம அனுஷ்டானங்களை முடித்து, வழக்கப்படி யாசகம் செய்யக் கிளம்பினான். அவன் உள்ளம் அன்று இனம் புரியாத ஆனந்தத்தில் மூழ்கியது. அன்று அவனுக்கு ஏராளமான பொருட்கள் கிடைத்தன. அவனைப் பார்த்ததும் ‘‘போ! போ!’’ என்று விரட்டுபவர்கள்கூட அன்று அவனுக்குப் பிச்சை கொடுத்தார்கள். இப்படி விரத பூஜைக்குத் தேவையான அனைத்துப் பொருட்களுடனும் வீடு திரும்பினான் அந்தணன். பின்பு தன் உறவினர்களை வரவழைத்தான். குளித்த பின் பக்தியுடனும் ஊக்கத்துடனும் முறைப்படி சத்யநாராயண விரத பூஜையைச் செய்து முடித்தான். அன்று முதல் மாதந்தோறும் பௌர்ணமி அன்று மாலை நேரத்தில் சத்யநாராயண பூஜையையும் விரதத்தையும் தொடர்ந்து செய்தான். சத்யமே வடிவான பகவான் சொன்ன சத்யநாராயண விரதம் பலன் தராமல் போகுமா? அதன் பலனாக அந்தணனுக்கு உயர்ந்த பதவி கிடைத்தது. ஏழையாக இருந்தபோது அவன் தேடி அலைந்த செல்வம் அவனது வீட்டில் தாண்டவம் ஆடியது. அவன் குடும்பமும் உற்றார் உறவினர்களும் மகிழ்ச்சியில் திளைத்தார்கள். அந்தணன் அனுசரித்த சத்யநாராயண விரதம், முடிவில் அவனுக்கு முக்தியையும் அளித்தது. இந்த அந்தணனிடம் இருந்து சத்யநாராயண விரத பூஜையின் மகிமையை விறகு வெட்டி ஒருவன் முதலில் அறிந்து கொண்டதாக சூதபௌராணிகர் கூறினார்.  அறிந்ததைச் செய்ததால் கிடைத்த ஐஸ்வரியம்! தெய்வம் சொன்ன சத்யநாராயண விரதத்தைத் தவறாமல் செய்து வந்தான் அந்தணன். ஒவ்வொரு பௌர் ணமி அன்றும் மாலை நேரம், தவறாமல் சத்யநாராயண விரத பூஜை நடைபெற்றது. ஒரு நாள்... ஊர் சுற்றி விறகு விற்கும் ஒருவன், களைப்பு மிகுதியால் தாகம் தணிக்கும் பொருட்டு அந்தணன் வீட்டுக்கு வந்தான். அப்போது அங்கு சத்ய நாராயண விரத பூஜை நடந்து கொண்டிருந்தது. ஆர்வத் துடன் அதைக் கவனித்தான் விறகு வெட்டி. பூஜை முடிந் ததும் அந்தணன், அங்கிருந்த அனைவருக்கும் பிரசாதம் கொடுத்தான். அதை வாங்கி அங்கேயே சாப்பிட்டான் விறகு வெட்டி. பிறகு, தனிமையில் இருந்த அந்தணனை நெருங்கினான். ‘‘ஐயா! இப்போது நீங்கள் செய்தது என்ன பூஜை? அதை எதற்காக, எப்படிச் செய்ய வேண்டும் என்று எனக்குச் சொன்னால், நானும் அதைச் செய்து துயரங்களைப் போக்கிக் கொள்வேனே!’’ என வேண்டினான். அந்தணன் அவனிடம் சத்ய நாராயண விரதத் தைப் பற்றியும் அதனால், தான் அடைந்த நன்மைகளையும் விவரித்தான். அந்தணனுக்குத் தனது மனமார்ந்த நன்றியைத் தெரிவித்த விறகு வெட்டி, ‘‘உங்களிடம் இருந்து நல்லதைத் தெரிந்து கொண்டேன். இந்த சத்யநாராயண விரதத்தை நானும் கடைப்பிடிக்கப் போகிறேன். வருகிறேன் ஐயா!’’ என்று சொல்லிவிட்டுத் தனது இருப்பிடம் அடைந் தான். மறு நாள் பொழுது விடிந்ததும் அவன் வழக்கம் போல் விறகு விற்கப் புறப்பட்டான். அன்று அவன் கொண்டு வந்த விறகு முழுவதும் விரைவிலேயே விற்றுத் தீர்ந்தது. சத்யநாராயண பூஜையைப் பார்த்து, அந்தப் பிரசாதத்தை உண்டதன் விளைவே இது. ‘நல்லதைச் செய்ய வேண்டும் என்று நினைக்கும்போதே, தெய்வத்தின் அருள் நமக்குக் கை கொடுக்கிறதே... அப்படியானால் முழு மூச்சுடன் செய்தால் எவ்வளவு பலன் கிடைக்கும்! நம் பிறவி, பலன் உள்ளதாக ஆகிவிடாதா?’ என்று பூரித்துப் போனான் விறகு வெட்டி. இதை அடுத்து, சத்யநாராயண பூஜைக்குத் தேவையான பொருட்களுடன் வீடு திரும்பினான். அந்தணன் சொன்னபடி முறையாக, மாதம் தவறாமல் சத்யநாராயண பூஜை செய்தான் விறகுவெட்டி. அதன் பலன்...? அவனது வீட்டில் தாண்டவமாடிய தரித்திரம் விலகிப் போயிற்று. அங்கு அஷ்ட லட்சுமிகளும் வாசம் செய்யத் தொடங்கினர். குடும்பத்தாருடன் அமைதியான வாழ்க்கை நடத்திய விறகு வெட்டி, முடிவில் மோட்சத்தை அடைந்தான். நாமும் நம்மால் இயன்ற பூஜைகளை செய்து பலன் பெறுவோமாக